Hefurðu heyrt um GO DAGINN?

Ef ekki, þá er tími til kominn.

Þannig er að trúboð getur verið erfitt. Sumum finnst jafnvel erfitt að heyra orðið “trúboð” sagt upphátt …. þá fer allt í hnút!

En málið er að Kristniboðsskipunin í Biblíunni er skýr; við eigum öll að boða okkar kristnu trú, í einni eða annarri mynd. Og gera það reglulega.

Meira um málið á alþjóðlegu GO Movement vefsíðunni.

Á sumardaginn fyrsta boðum við til bænagöngu, eins og við höfum gert í yfir tvo áratugi. Við hvetjum alla biðjandi menn og konur að taka þátt.  Hér sláum við þrennu; bæn, útivera og samfélag.

Eftir gönguna kl. 11:30, hittast hópar úr Reykjavík í Veginum, Smiðjuvegi 5, Kópavogi, í léttan hádegisverð og samfélag. Á landsbyggðinni fer það eftir hverjum stað fyrir sig, hvernig hittingum er háttað.

Hér eru yfirlit yfir gönguleggina; annars vegar höfuðborgarsvæðið og hins vegar landsbyggðin. Þetta eru .pdf-skjöl sem henta til útprentunar.

Við þökkum hlustendum fyrir skemmtilega afmælisviku og heimsókn til okkar í Opna Húsið, laugardaginn 9. mars. Söfnunin hefur gengið vel og erum við í dag (21. mars) komin upp í 6,1 mkr af 8 mkr markmiði, sem gerir 77%.

Frábært og kærar þakkir, elsku hlustendur !

Við höldum áfram út marsmánuð.

Hér er krækja inn á gjafalistann Gjöf-á-gjöf, sem er enn í fullu gildi og inniheldur nýtilegar og spennandi vörur.

Valkröfur eru komnar í heimabankann hjá fjölmörgum aðilum.  Markmiðið er að ná 8 mkr í afmælismánuðinum. Með þinni þátttöku getum við náð markmiðinu.

Ég er sannfærður um að allt of oft reisum við veggi gagnvart því að vitna fyrir öðrum um trú okkar.

Við finnum okkur ástæðu til að grípa ekki tækifærið til að vitna fyrir ófrelsuðum. Ástæður eins og: „Fólk hefur ekki áhuga“ eða: „Af hverju ættu þau að hafa áhuga á að heyra minn vitnisburð?“, eða: „Þau hafa örugglega ekki áhuga á að heyra neitt um Guð, miðað við lífsstílinn sem þau viðhafa“ … og svo framvegis.